Sur da nus
L'uniun Pro Lucmagn ei seformada tard els onns navonta. Finamira dall'uniun ei da promover il brat cultural denter las valladas Surselva e Blegn entras l'avertura d'unviern dil Pass Lucmagn, sco era crear ellas duas valladas in surpli da valur economic e cunzun turistic.
Commembers dall'uniun ein vischnauncas dalla Surselva e dalla Val Blegn, las pendicularas d'omis-duas valladas. La finanziaziun dallas activitads dall'uniun e cunzun l'avertura d'unviern dil pass Luc-magn succeda mintgamai in tierz tras ils cantuns Tessin e Grischun ed in tierz tras ils commembers dall'uniun.
L'uniun vegn menada d'ina suprastonza che secumpona da representants dils commembers. La cumissiun tecnica (mintgamai in representant dalla vart dil sid e dil nord) ed il survetsch da segirtad (mintgamai in guid per la vart sil sid e dil nord incl. substituziun) ein responsabels per il traffic d'un-viern dalla via dil pass Lucmagn.
La Pro Lucmagn s'engascha per in traffic segir e senza incaps dalla via dil pass Lucmagn naven dil november entochen igl avrel – nus selegrein sch'ei vegn fatg diever da quella purschida!
Cussegl d'administraziun
- President: Martin Candinas, Rabius
- Vizepresident: Loris Beretta, Olivone
- Commembers Surselva: Duri Blumenthal, Maurus Tomaschett, Victor Flepp
- Commembers Val Blenio: Denis Vanbianchi, Eliane Jemini